(Monologo ng isang hari)
Aaaaggghhh! Kay aliwalas ng hapag! Mabuti't hindi ako kabilang sa mga taong nakatira sa kanayunan. Paano kaya nilang natitiis ang walang kuryente? 'Di bale, sanay naman sila sa ganun.
 |
| http://www.travelpod.com |
Maghahapunan nanaman ako. Hindi pa naman ako gutom pero oras na para kumain. Ano naman kayang ihahandang putahe ng kusinero? Ilan kaya? Araw-araw, iba't-ibang pagkain ang nakahain sa mesa. Madalas nga, hindi ko na alam kung ano na 'yung kinakain ko.
 |
| http://www.tripadvisor.com |
Napakaespesyal ko talaga!!
Ayan, nakahain na ang hapunan ko. Wala ba akong kasamang kumain? But that's alright! Hangga't ganito parati ang hapunan ko, that's absolutely alright! Mas gugustuhin ko pang maghapunan mag-isa kaysa kumalam ang sikmura ko tulad ng mga pamilyang walang makain. Paano kaya nila nakakaya ang ganoong buhay? 'Di bale, sanay naman sila sa ganun.
Napakasarap ng mga luto! Ayoko na yatang umalis sa palasyong ito. Sayang! Hindi alam ng mga street children kung gaano kasarap ang mga kinakain ko. 'Di bale, sanay naman sila sa mga kinakain nila. 'Di bale, sanay naman silang hindi kumakain.
Napakaespesyal ko talaga!
Naku! Mamaya pagtapos kong kumain, siguradong makakatulog ako agad ng mahimbing! Hihiga muli ako sa malambot at malaki kong kama katabi ng asawa ko. Sayang naman at 'di kasama ng mga OFWs ang mahal nila sa buhay matapos kumain ng hapunan. Baka nga wala silang kamang tinutulugan eh. O baka nga gutom silang nakatulog eh! Paano at bakit kaya nila tinitiis ang ganung sitwasyon? 'Di bale, sila naman ang pumili no'n kaya masasanay rin sila dun!
Tapos na akong kumain. Mapapagod nanaman ako kakaisip kung ano nanaman ang mangyayari bukas. Pero tingin ko, mas mapapagod ang mga tagaligpit ng pinagkainan ko tulad ng mga tagahugas ng plato sa mga kainan. Malamang ay nalimutan na nila kumain sa sobrang busy sa trabaho. Kawawa naman. Pero ayos lang 'yon! Masipag talaga sila eh.
Matutulog nanaman ako. Sana'y mahimbing. Maitanong ko nga lang ulit sa sarili ko: PAANO KO NAAATIM ANG GANITONG BUHAY? May bago na kaya bukas? 'Di bale, sanay na ako sa ganitong mga hapunan. Ano naman kayang hapunan ko kinabukasan?
