Ang Payatas at ang Asawa ni Nonoy

(MUNTING DAYALOGO NG MGA SAMID SA KALAMANSI)

(PARA KAY MAGIC AT SA MGA PILIPINO)

http://www.pinoyexchange.com/forums/showthread.php?t=435247&page=129

NONOY: Pare, kamusta na pala ang asawa mo?

DYOGRAD: Ayun! Panay ang bangayan namin! Pa'no ba naman kasi, panay ang duda! Panay ang sumbat! Panay ang bunganga! Akala mo naman kung sinong putang'nang maganda!

NONOY: Tsk! Pare, ilang dekada na ba kayong kasal? Ilang siping na ba ang pinagsaluhan n'yo? Ilang supling na ba ang pinalaki n'yo? Parang hindi n'yo naman kilala isa't-isa. Para kayong bagong kasal.

DYOGRAD: Ewan ko ba p're! Habang tumatagal, lalong lumalala. Eh ako, alam mo namang ayaw ko'ng papatalo 'di ba? Kasi nga, ako naman ang tama. At saka, WALA NANG ASIM PARE!

KORO: BWAHAHAHAHAHAHAHAHA!
 

NONOY: 'Wag ganun Dyo! Hindi naman yata tamang basehan ang kaasiman pare! At saka, SIGURO, minsan pakinggan mo rin 'yung sinasabi n'ya. Hindi lang sarili mo ang kinakausap mo. Hindi lang ikaw ang taong may isip dito sa mundo.

DYOGRAD: Ewan ko! Basta alam ko, tama ako! Naku, sino ba naman ang gaganahan sa asawang hindi na nag-aahit ng buhok sa kili-kili? HAHAHAHAHAHAHAHAHAHAHA!

NONOY: ..........

DYOGRAD: Ikaw lang pare! Masyado kang anghel! Ni isang hakbang, hindi mo naranasan sa loob ng beerhouse! Ewan ko ba sa'yo! Mukha rin namang wala na ring asim ang misis mo.

NONOY: ..........

DYOGRAD: ..........

NONOY: P're, hindi ko talaga alam kung bakit. Korni man sa pandinig, pero mahal ko talaga ang misis ko.

DYOGRAD: Mahal ko rin ang misis ko. Ano ka ba naman Noy!

NONOY: ..........

NONOY: 'Pag sinabing mahal mo ang isang tao, ang kariktan n'ya ang ligaya mo; ang kabahuan n'ya ang lakas mo. Kahit ano'ng amoy ng mahal mo, sisinghutin mo na parang umaamoy ng halimuyak ng mga rosas. Kahit ano'ng ingay at garalgal ang boses n'ya, pakikinggan mo na parang isang musika. Ganun ang pagmamahal. Para sa akin.

DYOGRAD: ..........

NONOY: ???

NONOY: Pare, ang haba ng sinabi ko. Wala man lang bang palakpak d'yan?!

DYOGRAD: (singhot-singhot)

NONOY: ??!!

NONOY: Pare, UMIIYAK KA BA?!

DYOGRAD: (singhot) Pare, tinamaan ba ako sa sinabi mo o lasing lang ako?!

KORO: HAHAHAHAHAHAHAHAHAHA!

NONOY: O pare, shot mo na kanina pa! Buro na 'yang alak oh! Teka, paubos na pala 'to. Papabili pa 'ko kay Buboy.

-WAKAS-