Ako ay pipinta,
Pintang makapagpapalaya
Sa mga inaalipustang dukha.
Masdan mo ang aking pinta,
Pangkulay ko'y mga titik at letra,
Inspirasyon ko ang kapwa maralita.
Suriin mo ang aking obra,
Ikaw na nakagiginhawa,
Baka sakaling unti-unting makaunawa
Sa lamat na nakahulma
Sa'ting bulok na sistema.
Sakaling ikaw ri'y mapapinta.
Kayong mga tuta,
Masdan n'yo ang aming katha.
Mga kathang sa inyo ay tataga.
Tataga rin sa tanikala,
Na iginapos ninyo sa'ming mga paa
Upang kami'y 'di makawala.
Ikaw dukha,
Pagtakhan mo ang aking tula.
Bakit ikaw ang nakapinta.
Baka sakaling mamulat ang mata
At mabaligtad natin ang kan'lang tinakda.
Kailan ka pa magkukusa?
Ako ay nagpinta.
Masdan mo'ng lahat ng talata.
Umaalab na'ng apoy ng makata.
 |
| "Boy With A Pipe" -Pablo Picasso |
